Funtsezko kontzeptuak
Pertsonei bizitzako estres-egoerei aurre egiteko, beren gaitasunak garatzeko, ikasteko, lan egiteko eta ingurunean modu aktiboan parte hartzeko aukera ematen dien ongizate mentaleko egoera.
Osasunaren Mundu Erakundearen (OME) definizioaren arabera, buru osasuna berezko eta funtsezko balioa duen osasunaren alderdia da, eta gure ongizate orokorraren parte da. Buruko osasun arazoen artean daude buru nahasmenduak eta desgaitasun psikosozialak, bai eta larritasun handia, funtzionamenduaren murrizketa edo nork bere buruari kalte egiteko jokabideak izateko arriskua eragiten duten beste egoera mental batzuk ere.
Pertsona baten muga funtzional, fisiko edo psikikoen aitorpen ofiziala. Aitortutako ehunekoaren arabera zehazten da prestazioak, enplegu babestua, onurak eta eskubide jakin batzuk eskuratzeko aukera.
Desgaitasuna duten Pertsonen Eskubideei eta Haien Gizarteratzeari buruzko Lege Orokorraren helburua (2006ko Nazioarteko Konbentzioan oinarritua) da desgaitasuna edo mendekotasuna duten pertsonen aukera-berdintasuna, gizarteratzea eta haien eskubideen erabilera osoa bermatzea.
Informazio gehiagoPertsona batek eguneroko jarduerak egiteko laguntza funtzional, fisiko edo psikikoak behar dituela aitortzen duen ebaluazio ofiziala. Aitortutako mendekotasun-mailaren arabera zehazten da zer zerbitzu eta prestazio jaso ditzakeen.
Autonomia Pertsonala Sustatzeari eta Mendekotasun-egoeran dauden Pertsonak Artatzeari buruzko Legearen helburua da mendekotasuna prebenitzeko eta adinekoei zein desgaitasuna duten pertsonei arreta emateko baliabide-sistema egonkor bat ezartzea, haien autonomia pertsonala sustatuz.
Informazio gehiagoPertsona baten muga fisiko, psikiko, sentsorial edo intelektualen maila zehazteko administrazio-prozedura. Balorazio horren ondorioz, desgaitasun-maila aitortzen da.
Desgaitasun-mailaren balorazioa Gipuzkoako Foru Aldundiaren eskumena da. Prozedurari buruzko informazio gehiago QR kodean aurkituko duzu.
Informazio gehiagoProfesional-talde batek egiten duen ebaluazio teknikoa da, pertsona batek eguneroko bizitzako oinarrizko jarduerak (hala nola jatea, garbitzea, janztea edo etxe barruan mugitzea) ohikotasunez egiteko laguntza behar duen zehazteko. Balorazioak autonomia-galera gaixotasunaren, desgaitasunaren edo zahartzearen ondorio den aztertzen du, eta mendekotasun-maila aitortzen du: I. maila (mendekotasun moderatua), II. maila (mendekotasun larria) edo III. maila (mendekotasun handia).
Mendekotasun-mailaren balorazioa Gipuzkoako Foru Aldundiaren eskumena da. Prozedurari buruzko informazio gehiago QR kodean aurkituko duzu.
Informazio gehiagoBalorazio horiek funtsezkoak dira Gipuzkoako Foru Aldundiaren zerbitzu-zorroko laguntza, prestazio eta zerbitzu espezifikoak eskuratzeko. Hala ere, zenbait laguntza, prestazio eta zerbitzu jasotzeko, nahikoa izan daiteke buruko osasun arazo baten diagnostikoa egiaztatzea.
Edozein ebazpenen aurka errekurtsoa aurkez daiteke. Informazio gehiago nahi izanez gero, jarri harremanetan Agifeseko aholkularitza juridikoarekin.
Oro har, eskaera zure udaleko Oinarrizko Gizarte Zerbitzuetan edo erreferentziako Osasun Mentaleko Zentroko gizarte-langilearen bidez izapidetzen da. Azken balorazioa Gipuzkoako Foru Aldundiak egiten du; hark koordinatzen ditu bisitak, elkarrizketak eta ebazpen ofiziala.
Zentro horien guztien helbideak eta harremanetarako telefonoak direktorioan topatuko dituzu.